Friday, April 11, 2008

Jis samt bhi dekhoon nazar aata hai k tum ho

Jis samt bhi dekhoon nazar aata hai k tum ho !

Jis samt bhi dekhoon nazar aata hai k tum ho !
Aai jaan-e-jahaa(n) ! ye koi tum sa hai k tum ho !

Ye khwaab hai, khushbu hai k jhaunka hai k pal hai
Ye dhund hai, baadal hai k saaya hai k tum ho !

Is deed ki saa'at mein kaee rang hain larzaa(n)
Main hoon k koi aur hai, duniya hai k tum ho !

Dekho ye kisi aur ki aankhein hain k meri !
Dekhoon ye kisi aur ka chehra hai k tum ho !

Ye umr-e-gurezaa(n) kahin tthehre to ye jaanoon
Har saans mein mujh ko yehi lagta hai k tum ho !

Har bazm mein mauzu-e-sukhan, dil-zadgaa(n) ka
Ab kaun hai, Sheereen hai k Laila hai k tum ho !

Ik dard ka phaila hua sehra hai k main hoon !
Ik mauj mein aaya hua darya hai k tum ho !

Wo waqt na aaye k dil-e-zaar bhi soche
Is shehr mein tanha koi ham sa hai k tum ho !

Aabaad ham aashufta-saron se nahi maqtal
Ye rasm bhi is shehr mein zinda hai k tum ho

Aai jaan-e-Faraaz ! itni bhi taufeeq kise thi
Ham ko gham-e-hasti bhi gavaara hai k tum ho !
_________________

4 comments:

Anonymous said...

Takk for en interessant blogg

Anonymous said...

[url=http://seoservicemarket.com]seo service[/url]

Anonymous said...

[url=http://creditcarddebt.creditcompliance.com]Credit Card Debt[/url]

Anonymous said...

Behoud van 'em op zijn manier ... een groot aantal kan een zeer grote baan ligt op dit soort Basics ... zijn niet in staat om u te informeren over hoeveel ik gewoon, bijvoorbeeld plezier in alles wat je zou kunnen voltooien!